Wednesday 16 December 2009

गज़ल

अन्जानमा हजुरको मनलाई दुखाएँ कि
अलिकति मुटुभित्र कुविचार लुकाएँ कि ?

आज्ञाकारी बन्नलाई कोशिस त गरेकै थें
अवज्ञाको पाँजाहरु नजानेरै सुकाएँ कि ?

चिनाजानी राम्रै थियो घनिष्ट नै थियौं हामी
पुर्णिमा र चन्द्र जस्तो नातालाई फुकाएँ कि ?

नदेखेर हुँदै हैन, तर्किएर जानु भयो !
सधैंभरी ठाडो हुने शिरलाई झुकाएँ कि ?

पुर्पुरोको खेल किन नबुझेको 'आशांक' ले
नयाँ दिन नदेखी नै गयो माया चुकाएँ कि ?

2 comments:

nanu said...

dukhayeko chaina ni mutu m ta sadhai hajur sangai chhu i love u so much

देशभक्त नेपाली said...

Bandhu, Katti dherai tragedy lekhna sakkeko hau...