पिरती थुंगा दिएँ साटोमा काँडा पाएँ
भरेर बस्दा माया लौ खाली भाँडा पाएँ
देखेंथें सपनीमा बैंशालु रुप तिम्रै
झस्केर आँखा खोलें उराठ डाँडा पाएँ
जीवन यात्रा गर्ने तयारी गर्न खोज्दा
एक्पान्ग्रो नभएको लंगडो गाडा पाएँ
सोचेर बसें सुर्य चन्द्रको साथ मेरै
लम्केर छुन खोजें कोशौं पो टाढा पाएँ
नजिक रहँदामा नाताको आशा गरें
दिएको साथ साटो किराया भाडा पाएँ
No comments:
Post a Comment