भिजेका ति परेलीलाई ओभाउन आउदैछु
संकटग्रस्त तिम्रो यौबन जोगाउन आउदैछु
सुनेको छु साँध पनि सधियार्ले मिच्दै छन् रे
बांगीएको सिमानालाई सोझ्याउन आउदैछु
मलाई पनि यहाँ एक्लै निको कहाँ लागेको छ
कति खन्छ्यौ कान्लेबारी सघाउन आउदैछु
मध्य बैंश उराठ दिन काट्न कति गाह्रो होला
तिम्रै नयन भित्र डुबी रोगाउन आउदैछु
धेरै काट्यौ रातहरु प्रतिक्षामा भोकाएर
कामदेवको सारा खुशी भोगाउन आउदैछु
No comments:
Post a Comment