नचाहेको हुदै हैन नपाएर दुखि भएँ
बैगुनिका बाचाहरु बचाएर दुखि भएँ
निष्ठुरीको आदेशमा चलिरहे एकोहोरो
बेताल मै आफैंलाई नचाएर दुखि भएँ
जरुवाको प्रतिबिन्व आँखा भयो जिन्दगीमा
पाएका ति खुसिहरु पंछाएर दुखि भएँ
रोग पनि ठुलै लाग्यो माया भन्ने नाम रैछ
गर्नु भुल गरें मैले जंचाएर दुखि भएँ
काल धेरै बिते पछि दुख्यो मुटु 'आशांक' को
सम्झनाको आंधी हुरी मचाएर दुखि भएँ
No comments:
Post a Comment