गजल,

संगै जिउन चाहन्छु म अब तिम्रो जीवन देउ
थोरै तिम्रो स्वास मिसाई शीतल शीतल पवन देउ

फूल जस्तै कोमल पन यो मुटुमा भेट्टाउँछौ
म फुल्नलाई त्यो मनको फराकिलो आँगन देउ

हिजो सम्म माग्नलाई शर्माउने भिकारी थें
नयन भित्र बास चाहन्छु नानी भित्र शरण देउ

दुरी जति जति बढ्छ छट्पटाउँछु विक्षिप्त भै
फर्किएर आउ प्रिय दुई आत्माको मिलन देउ

साथ पाए सातै जुनी धर्ति टेक्न मन्जुर छ
हैन भने यो जीवनको स्थायित्व निधन देउ