बिहान बोकी ल्याउँछु दियो बाली बस्नु तिमी
गोधुलीमा उदाउँछु दियो बाली बस्नु तिमी
दिन रात गनी गनी धेरै बस्यौ सम्झनामा
मिलन बोकेर आउँछु दियो बाली बस्नु तिमी
जीवन जीवन कहाँ हुन्थ्यो प्रित टाढा भए पछि
यो छातीमा लुकाउँछु दियो बाली बस्नु तिमी
नियतिले पनि आँशु झार्यो हाम्रो छट्पटीमा
आँखा भित्रै अटाउँछु दियो बाली बस्नु तिमी
पाउजुको सजावट र सोह्र शृंगार गरी बस्नु
मनको गीत गाउँछु दियो बाली बस्नु तिमी
No comments:
Post a Comment