Friday, 29 March, 2013

गजल


चन्द्रमामा दाग पनि सुहाएको जस्तो लाग्छ
लुकी लुकी बादलबाट चिहाएको जस्तो लाग्छ

बिहानीको सुर्य संग किरण पैंचो मागी मागी
साँझ पछी मलाई भेट्न उदाएको जस्तो लाग्छ

औंशी अनि अरु रातको फरक फरक आकारले
बेला संगै यो जीन्दगी चलाएको जस्तो लाग्छ
...
ढकमक्क जुनेलीमा शीतको थोपा झर्दा खेरि
रुँदा, हाँस्दा आँशु झर्ने बताएको जस्तो लाग्छ

अंग मात्र हैन अचेल मनै रंगीन भएको छ
मुटु भित्रै पूर्ण चन्द्र अटाएको जस्तो लाग्छ

No comments: