ग़ज़ल

बिहान पख आज  एउटा सपनीलाई  देखें मैले
त्यही सपनी  सम्झियर  एउटा ग़ज़ल लेखें मैले


सपनीमा तिम्रो अनी मेरो माया बढ्दै   थियो
त्यही माया पाउनलाई अर्को अस्त्र भेटें मैले


कताकती देखेजस्तै तिम्रो मुहार हिउं सरी
धमिलो त्यों मुहारमा मायालु रंग भेटें मैले


शांत तिम्रो कोमल अंग छुनलाई डर लाग्यो
टाढै बाट भएपनी अघाउन्जेल  हेरें  मैले


हेरिरहंदा तिम्रो मुहार लाजायको जस्तो लाग्यो
लजाउदा तिमी भित्र कामरूपलाई भेटें मैले


घडी पनी कती पापी त्यही बेला बज्नु पर्ने
बिउंझियर तिमी खोज्दा सिरानी पो भेटें मैले