आशांक उपाध्याय
नेपाल धेरै लामो अन्तरालमा, सपनीमा आयौ किन ?
सपनी मै मेरो मनमा, ढकमक्क छायौ किन ?
बिगतलाई भुल्दै थिएँ तिम्रो तस्विर मेट्दै थिएँ,
अनि फेरी सपनी मै, अर्को कसम खायौ किन ?
मस्तिष्कले मलाई भन्छ तिमीलाई भुल्नै पर्छ,
भुल्दै थिएँ, सपनीमा अर्को गीत गायौ किन ?
गएकी थ्यौ मलाई अनि मेरो संसार लत्याएर,
यति पछी सपनी मै, मेरो बाटो धायौ किन ?
भुलें मैले एउटा कुरा सोध्नलाई सपनी मै,
अधकल्चो छोड्नलाई, माया प्रिती लायौ किन ?
No comments:
Post a Comment