आशांक

गज़ल के हो पत्तै छैन शेरसंग माया बस्यो
नक्कलीको पछ्यौरीको फेरसंग माया बस्यो

नशालु ति नयनले मोहनी नै लगाए कि ?
लजाउँदै गरेका हेरा-हेरसंग माया बस्यो

मुहार पनि अति सुन्दर खोट कहिँ भेटिएन
शिर झुकाई टोलाएको बेरसंग माया बस्यो

छहरा झैं छल्किरहे केशराशी पिठ्युँ भरि
मन्द मुस्कान बहाउने पंधेरसंग माया बस्यो

प्रेम अनि संसारलाई चिनाउने मायालुले
स्वीकार्नलाई गरेको अबेरसंग माया बस्यो