गज़ल

फेरी अर्को नाम खोज्दैछ जीवन
बास सर्ने गाम खोज्दैछ जीवन

पिडा व्यथा चोट लुकाई छातीमा
अझै दुख्ने काम खोज्दैछ जीवन

जति उठ्यो लड्यो तै पनि थाकेन
हिड्न चिप्लै ठाम खोज्दैछ जीवन

खायो कत्ति थाल संतुष्ट भएन
एक सीत्ता माम खोज्दैछ जीवन

आशा टुसा छोप्छ निराशा बादल
एक झुल्को घाम खोज्दैछ जीवन

सत्य बन्दा पायो शत्रुता चिनारी
भेट्न यौटा राम खोज्दैछ जीवन

माया गर्दा मिल्यो घृणाको फिरौती
किन प्रेम धाम खोज्दैछ जीवन