फुल सरि फूल्न खोजें, हुरी आई झारीदियो ||
समय यो रोक्न खोजें, घडी बनि टारिदियो ||
जान्न पनि सकिएन, जिन्दगीको मूल्य यहाँ,
पिडाव्यथा भुल्न खोजें, मुटु भित्रै पारिदियो ||
सपनाका ढेडी बोकी, सुख खोज्न बिदेशिएँ
आफैंलाई जित्दैथिएँ, नियतिले हारीदियो ||
पापै सरि हुने रैछ, मिठा आशा पाल्न पनि
आज फेरी अभावले, जवानी मै मारिदियो ||
चार बर्ष बित्यो फेरी अझै कति बिछोडिनु
यो पाली चैं जान्छु भन्थे, फेरी मिती सारिदियो ||
No comments:
Post a Comment