चैतमासे खडेरीमा ठुटो काँस झरी कुर्छ ||
जिन्दगीको बसन्तमा मधुमास परि कुर्छ ||
बाटोघाटो मेलापात बैंशालु यी युवतीले,
बोलाउने हुन् कि भनि मन आश भरि कुर्छ ||
को को हिडें को को बसे पिरतीको मेला भर्न,
चौतारीमा टोह्लाएर बस्दै लास सरि कुर्छ ||
खात लाग्यो सपनाको सजाउने खोज्दा खोज्दै
अब चाही भेट्छु भन्दै मन्को त्रास हरी कुर्छ ||
गोधुलीको समय छ रंगिन यो मौसममा
गुलाबको रातो फूल आसपास छरी कुर्छ ||
No comments:
Post a Comment