पैल्हो भेट भएको त्यो रात सम्झिदैंछु ||
लुक्दै भेट्न आउदा बज्ने पात सम्झिदैंछु ||
पर्खी पर्खी थाके पछी आउने गर्थ्यौ तिमी,
खुसुक्क नै आँखा छोप्ने हात सम्झिदैंछु ||
टाढा हुँदा रिसाउँथें नजिक हुँदा मख्ख,
सर्माउँदै गरेका ति बात सम्झिदैंछु ||
स्पर्शले अत्तालीन्थें आँखा बन्द गर्थें
सुस्त सुस्त समर्पित मात सम्झिदैंछु ||
अंगालोमा कसे पछी तातो स्वास फेर्दै
एकअर्को जीन्दगीको खात सम्झिदैंछु ||
No comments:
Post a Comment