Monday 24 December 2012

गज़ल

बेला छुटेर जान्छ रहर किन बाँकी अझै
मलाई लुटेर जान्छ रहर किन बाँकी अझै

थोपा थोपा आँशु पनि साउनको झरी जस्तै
आउँछ चुटेर जान्छ रहर किन बाँकि अझै

तिम्रो बगैंचाका सबै मनमोहक फूलहरु
शीतले चुसेर जान्छ रहर किन बाँकी अझै

सम्झनामा मैले कति दुख्दा दुख्दै गजल लेखें
नजर चुकेर जान्छ रहर किन बाँकी अझै

हरेक रात चन्द्रमाको पर्खाईमा हुन्छु अचेल
सपना टुटेर जान्छ रहर किन बाँकी अझै

No comments: