Wednesday 1 October, 2014

गजल

यो मान्छेको मन भित्र सँधै अर्को खोजि हुन्छ |
बिन्दु छैन पुर्पुरोमा लामो धर्को खोजि हुन्छ |

गर्मि भरि घाम छेक्न चौतारीको भर पर्छन
जाडो लाग्छ त्यहि घाम अझै चर्को खोजि हुन्छ |

कठोर त्यो कलेजो र निर्दयको मुटु बोकी
ओढ्न सँधै दयारुपी न्यानो बर्को खोजि हुन्छ |

गिद्द बरु उडी आउँछ मरेको त्यो सिनो खान 
मान्छेको नै भोक टार्न जिउँदा हर्को खोजि हुन्छ |

नर्कमा धेर भिड भएर धेरै शाखा खुल्दै छ रे
स्वर्ग जान आत्मै देखि शुद्द नर्को खोजी हुन्छ |

No comments: